Tuter Lawas Sumbawa Barat

Oleh : Anggi Audia Putri

Sebuah tulisan yang menjadi tugas muatan lokal tentang budaya sastra Samawa

✧･ﾟ: *✧･ﾟ:*

Ku samula mo tuter ta

Lis desa kamutar telu

Ling ano rawi sia ee

Mares gama saleng pendi

Ya tu pina boat beru

Tu seka na keman samula

Bentuk singen ano rawi

Mentu mula ka batemu

Pang Al Khawiya Taliwang

Mulai mo ya bentuk na

Dadi lima demung kita

Keman Sateluk jangka Sakongkang

Mentu les mo putusan

Kelek tau lima pulu'

Sampe datang de desa do

Sala sopo de datang nan

Kales DPR Indonesia

Peri kita tau desa ta

Tu sambut nan rena gamporo

Rabares belo saser ola

Pina diri jadi kameri

Sampe mo tanggal dua pulu

Bulan saolas pang kalender

Tutu jadi Sumbawa Barat

Ya saresmi pang negara

Jadi mo tu samula na

Santung tu saling sakiki

Ya pimpin leng Kiyai Zulkifli

Dadi wakil Mala Rahman

Lok ya pariri lema bariri

Bue mo ka jangka nan si

Sejarah ada desa darat ta

Bau gama tu saleng sangeto